कुवेतस्थित भारतीय दूतावासले व्यापार, पर्यटन, चिकित्सा उपचार र अध्ययनका लागि भारत भ्रमणमा बृद्धि गर्ने उद्देश्यले कुवेती नागरिकका साथै देशमा बसोबास गर्ने आप्रवासीहरूका लागि भिसा प्रक्रियालाई सरल बनाएको छ। अघिल्लो वर्षको सोही अवधिमा ७ हजार ६ सय भिसा जारी भएकामा ३० प्रतिशतले वृद्धि भएको दूतावासले यो वर्ष १० हजार भिसा जारी गरेको जनाएको छ । ‘दूतावासले कुवेती नागरिक र कुवेतमा बसोबास गर्ने आप्रवासीलाई पाँच वर्षको र एक वर्षको बिजनेस भिसा (मल्टिपल इन्ट्री), एक वर्षको मेडिकल भिसा (मल्टिपल एन्ट्री) र छ महिनाको टुरिस्ट भिसा (मल्टिपल एन्ट्री) जारी गर्दै आएको छ। आफ्नो सुविधा अनुसार व्यापार, पर्यटन, चिकित्सा उपचारका लागि भारत भ्रमण गर्न सकिन्छ,’ दूतावासले जनाएको छ । दूतावासले आपतकालीन अवस्थामा र सबै कूटनीतिज्ञ/विशेष राहदानी धारकहरूको लागि प्रत्यक्ष रूपमा भिसा आवेदनहरू स्वीकार गर्न जारी राख्नेछ। अक्टोबर १३, २०१४ http://timesofindia.indiatimes.com/nri/middle-east-news/Indian-embassy-in-Kuwait-simplifies-visa-procedure/articleshow/10,000.cms