भिसा-अन-अराइभल सुविधापछि देशमा पर्यटकको चाप बढेको छ

उनले भारतीय पर्यटन तथा आतिथ्यता महासंघ (एफएआईटीएच) को सहयोगमा पर्यटन मन्त्रालय र नागरिक उड्डयन मन्त्रालयद्वारा आयोजित "पर्यटन र एयरलाइन्स बीचको अन्तरक्रिया" मा यो कुरा बताए।

शर्माले सुविधा सुरु भएको महिनाभन्दा कम समयमै यो संख्या हासिल भएको बताउँदै निकट भविष्यमा बाँकी सबै देशमा पनि यो सुविधा विस्तार गर्ने सरकार आशावादी रहेको बताए ।

देशको पर्यटन प्रवद्र्धनका लागि पर्यटन र वायुसेवा उद्योगबीचको समन्वय महत्वपूर्ण रहेको बताउँदै उनले भने, ‘पर्यटनको विकासमा हवाई यातायात उद्योगले कसरी उत्कृष्ट योगदान पु¥याउन सक्छ भन्ने विषयमा सबै सरोकारवालालाई एक ठाउँमा ल्याउने सरकारको विश्वास छ ।”

अन्तर्राष्ट्रिय तथा आन्तरिक पर्यटनमा सकारात्मक वृद्धि भएकोमा खुसी व्यक्त गर्दै उनले सन् २०१३ मा ६९.६८ लाख विदेशी पर्यटकको तुलनामा २०१४ मा ७.१ प्रतिशतले बढेर ७४.६२ लाख विदेशी पर्यटक आगमन भएको बताए ।

९० प्रतिशतभन्दा बढी अन्तर्राष्ट्रिय पर्यटकले भारत आउन एयरलाइन्स सेवा प्रयोग गर्ने गरेको बताउँदै उनले राम्रो व्यावसायिक निर्णय, गुणस्तर र विमानस्थलको क्षमतालगायतका कुरामा उड्डयनको बृद्धि निर्भर हुने बताए ।

शर्माले वार्ताका क्रममा छलफल भएका विषयलाई समयमै सम्बोधन गरिने पनि सबै सरोकारवालालाई आश्वासन दिए ।